كان نفسى اعرف ارسم
بس
مبعرفش
كان نفسى اقدر اخبى دموعى جوا اوى
اوى اوى ومحدش يشوفها عشان ميسالش مالك
وف سرعة البرق اقلبها ضحكة صفرا
بس مبقدرش
كان نفسى اشيل عنك انتى بالذات اى وجع
اى دمعة ...اى الم من غير ما اقول بكره هيبقى تمام
وكل مرة بكره بيجى فيها وميبقاش احسن بتكسف
ومبنطقش
كان نفسى اطلع فوق ع سطح عمارتنا القديمة وفى ايدى طيارة ورق
واطيرها كتير لفوق وانا واقفة هناك لوحدى
بس مينفعش
كان نفسى اطير هناك عندك واخدك فى حضنى اوى
انتى وولادك واقولك انك وحشانى اوى
بس دى احلام ومبتتحقش
كان نفسى انسى اى وجع والم من اى حد
ولما ابص ع قلبى من جوا ملاقيش ندوب ووجع منهم
بس الالم مهما استخبى برضو مبيطلعش
كان نفسى نبقى زى زمان
ملومين وايد واحدة بس صعب اوى
والصعب عمره مبيسهلش
كان نفسى كل حكاية تبتدى تخلص زى الطبيعى
بس بما ان الزمن والناس مش طبيعية
تبقى كل حاجة مش عادية
كان نفسى فى حجات كتير ...احلام...ايام...ناس من تانى ترجع
صعب تعود وترجع وكله بيبقى مجرد سراب جوانا
بنجرى كتير وراه ويتحققش ولما نتاكد ان كل حاجة راحت ودموعنا خلصت ومبقاش فى حاجة
بنقبل كل حاجة ساعتها ونقول عدت وخلااص ومع اول ضربة تانى فى القلب التعبان ده كل حاجة بتتفتح من تانى
كله بيتغير حتى احنا ...ماشيين فى دوامة بتجر فيها كل حاجة مننا وفينا ونلف حواليها كتير وع اد ما تخرج بسرعة تبقى انصح بس بتخسر برضه
دنيا مبنية ع الالم والامل لحظاته معدودة بييجى نفرح بيصبرنا ع مر وجعنا والى جوانا
خوف ...عد راحة...ارتباك...الم..دموع...فراق...مشاعر كتير سلبية عشناها اكتر ما عشنا فرحتنا بلقا او حلم حققته
كل الوعود بتروح فى موقف او تجربة بجد والى اتوعدت بيه بيبقى بخخخخخخ
كم بخخخخ اتقالتلك؟؟
وكم حد متخلاش عنك؟
كم حلم حققته من احلامك؟؟
كم مرة اتقالك انا هنا ودلوقتى مفيش غيرك انت؟
كم مرة كدبت ع نفسك ان بكره تمام؟
وهل يا ترى بكره جه تمام؟
كم مرة صدقت انك بجد تستاهل حجات احسن من الى بتحصلك فقررت انك تبطل تتعامل مع الناس اصلا؟
هل عندك كمية مخاطرة تدخل قصص تانى تخليك تتوجع ؟
هل انا اتجننت بالبوست اللاسع ده؟
امتى اكتر مرة حسيت انك لوحدك بجد اوووووووووى ؟
لو قلبك مكسور حاولت ترممه ولا لسه برضه؟
بتخاف من ايه ؟؟
كفاية كده
تتمسوا بالخير :]
4 comments:
طب وكفايه ليه ما انتي قاعده شويه كل دي شحنه جواكي
اغلب البوست بل كل البسوت فيه روح ياس مش هقولك بقي بكره احسن وتمام زي ما قلتي بس هقولك نصبر اكيد ربنا هيعطينا علي اد ما نستحق
ربناياااااااارب يحققلك ما تتمني وتعيشي دايما في سعاده وحب ورضا من ربنا عليكي
ماهو المشكله ان لازم الكذبه دي تستمر .. ساعتها بس لما هتقتنعي بيها هتبقي تمام ..
حاجات كتييييير اوي بيبقي نفسنا فيها ومبنعرفش نحققها بس لازم برضو يفضل جوانا الامل عشان نعرف نعيش .. نعيش وجوانا حاجه بتدينا طاقه ورغبه للحياه وحلم يدينا دفعه نحقه ..
بلاش نقعد نفكر في كام بخخ وكام حلم ضاااع وكاام وكاام ..
اصلنا لو قعدنا نفكر في امبارح هنضيع بكره ..
اقولك ، فكري .. فكري كتيييير كمان بس فكري في بكره ..
بس فكري من غير ما تبصي وراكي :)
يارب تكوني بخير
تصدقي انا كمان كان نفسي في حاجات كتير من اللي نفسك فيها بس ايه اللي يمنع ان واحدة منهم تتحقق في يوم من الأيام ربنا قادر على كل شيء
كلنا اتألمنا وتعبنا والدنيا اسودت في عنينا وفعلا أكتر من الفرح بس في نفس الوقت اتعلمنا وبقينا أقوى وقلبنا برغم جروحه بقى بيستمتع بدقايق الفرح الصغيرة علشان داق طعم الألم واتعذب
بحب جدا المقولة بتاعت لما باب بيتقفل في وشنا بيتفتح باب تاني لكن علشان احنا مركزين مع الباب المقفول فمش بنشوف الباب المفتوح
مرمر حبيبتي ام بودي حبيبي غيري جو واتفسحي فسحة حلوة علشان تغيري المود ده
شكراااااا على مدونتك الرائعة
Post a Comment