اول حاجة كل سنة وانتم طيبين
وحشتونى اوووووى والله وبجد فارقين معايا جدا ...يا رب تكون سنة خير علينا كلنا ورمضان يكون حلو عليكم
واخباركم مع الصيام كويسة فى الحر والجو الغريب الى احنا فيه
وكمان مع قطع الكهربا الى كل شوية ده
الحمد لله دلوقتى عبد الرحمن 21 يوم ومنور البيت بجد اى نعم هو تلات اربع اليوم نايم
ومقضيها ولا سأل فى حد بس طالع دماااااااااغ
كل ما ابصله اقول الدمااغ دى بتاعتى ...تكبيرالدماغ والنوم والسلطنة دول بتوعى انا
"خليفتى فى الملاعب"
سبحان الله الوقت عدا اوام وكل ما اقعد افكر شوية افكر فى منظرى انا ونازلة العمليات وهم عمالين يعيطوا وانا الى شغالة ضحك بغباء
كان جايلى هيسترية ضحك والله من قبلها بيوم انا ولدت يوم خميس يوم الاربع كله كنت مقضياها تريقة وضحك وتهييس
مع انى ولدت قيصرى وكان المفروض طبيعى بس الحمد لله لحد ما جات لحظة الصفر بقى
والممرضة جات وخدتنى وركبنا الاسانسير ونازلين خلاص تحت وانا برضه بضحك بس اول ما شفت اوضة العمليات تنحت بقى وابتديت اخاف
ههههههههههه
اه والله ...ولما فوقت كنت متنحة وحاسة ان فى حد ادانى علقة وجسمى كله مكسر
كان عبد الرحمن لسه تحت كان بيحموه وبيطلعوه بقى لما طلعوه اول حد مكنش انا زى ما كنت بقول
ههههههههه
اصلا فى اللحظة دى بتبقى مدروخ زى المسطول كده انا كنت انام واصحى ولما شفته بقيت بضحك وبعيط فى نفس ذات الوقت
ههههههههههه
يااااااه داحنا مجناش بالساهل بجد
سبحان الله فى لحظات منسهاش اول مرة مسكته فى ايديا
اول بصة ع جوزى وهو باصصلى انا وشايلاه
وانا نفس الموضوع
اول حد فتحت عنيا ولقيته جنبى كان جوزى برضه
قالولى انه عمل عمايل وانا فى العمليات
صدقنى يا حبيبى مكنتش مستنية اعرف لانى عارفة بس حبيتك اكتر لانك خايف عليا اوى كده
يا جماعة انا لوفضلت اتكلم مش هخلص بجد
عبد الرحمن بيه بقى
طالع شبه باباه جدا يعنى واخد منى بس مش كتير
كل الناس اول ما تشوفه بتقول باباه بالظبط
يعنى انا اتعب كل ده وهو ياخده عالجاهز ....مضايقانى النقطة دى
وسبحان الله حركات باباه
يعنى من كام يوم كانوا نايم عبد الرحمن جنب باباه انا بقيت ميتة من الضحك
نفس طريقة النوم والله بالظبط
بس طالع واد دماغ وهيس كده وعلطلول يفضل يضحك لوحده
وهو نايم كمان يقعد يغنى باصوات كده
غير حركات وشه بقى شوية يبص ويرفع حواجبه وحركات تهلك من الضحك
ههههههههه
بس حبيبى اوى مكنتش فاكرة هحبك اوى كده يا بودا يا حبيب قلبى
ولحد دلوقتى انا مش مصدقة انى خلفت وبقيت ماما والله
الحمد لله الى انعم علينا بيك يا حبى
ان شاء الله هكلمكم المرة الجاية بقى لان الكلام كتير اوى
بودا بيسلم عليكم اوووووووووووى
22 comments:
حبيبتى .. مرمر ام احلى بيدوووووو
وحشتينى اوى اوووووووووى
حمد لله ع السلامة حبيبتى
يتربى ف عزك يارب يا حبيبتى وعز باباه
بوسيهولى كتيييييير وما تعصيبهوش
الواد ده هيبقى جوز بنت اخويا
انا بقولك اهو هههه
كل سنة وانتى طيبة وبخير يا حبيبتى
حمدالله على السلامة يا جميلة
حمدالله على سلامتك وعلا سلامة البيبي
ربنا يباركلك فيه
ماشاء الله البوست ده بينقط فرحة واحاسيس جميلة
ربنا يسعد ايامك يا جميلة
A tiny kiss for the sweet baby.
الف مبروك يامروة ربنا يباركلك فيه - عايزين نشوف صورة ليه وهو نايم
ربنا يخليهولك
لسه لما تسمعى منه كلمة ماما :D
حمد لله على سلامتك
دودو نور الدنيا اخيرا
ربنا يباركلك فيه و يخليكوا لبعض
حمدالله علي السلامه
وربنا يبارك فيه
كل سنه وانتي طيبه
والله البلوجاية بتاعتك نورت من تانى
وحشتيناااااااااا يا ميرو
ربنا يخليهولك يااارب
ربنا يحميه ويحفظه وتشوفيه اجمل حد فى الدنيا
ودماااغ زيك :)
خدى بالك منك ومن البيبى اووى
:)))))
مبروووووووووووووك الف مبروك ...يارب يبارك لك فيه يا رب ...عجبني كلامك اوي اوي ...رغم اني محستش الاحساس ده ...بس حسيت بيكي اوي
ربنا يبارك
فرحنالك اوي يابنتي والله
وعيني دمعت وانا بقري كلامك
ربنا يخليهولك يارب
ويفرحك بيه ويباركلك فيه
اللهم امين يارب
خدي بالك منه بقي يابت انتي
ربنا يسعد ايامك بيه
منونا
حبيبة قلبى يبنتى وحشتينى اوى والله
اللهم امين يا حبيبتى
انا الى بعصبه ع فكرة عبد الرحمن طالع عصبى جداااااااااااا
وبيتشنج ع اى حاجة ما شاء الله يعنى هنربى بعض انا وهو
ههههههههه
اوك يا بينتى قبلنا زواجكم
هههههه
عقبال ما افرح بيكى يا رب
baskouta
حبيبتى كيرسى ع السؤال اول حاجة
ربنا يخليكى يا رب
الله يسلمك انتى والله وحشانى برضه وبلوجياتك وحشتنى جدا
حاضر هبوسهولك
هو كمان بعاتلك بوسة كبيرة خالص :)
ريرى
اتلله يبارك فيكى
مبروك انتى كامن الخطوبة يا حبيبتى
ربنا يتملك ع خير
حاضر بس افضى واعرف اقعد من غيره شوية ان شاء الله بقى
self meaning
حبيبتى حبيبتى حبيبتى
تلاتة اهم يا نهى
كمان لى لى ربنا يخليهالكوا
اللهم امين
rack ur mind
الله يبارك فيك
متشكرة اوى
___________________
silver eyes
وحشتينى يبنتى اوووووى والله
ربنا يخليكى ليا يا رب
بنورك والله
اه والله دماغ العالية دى بتاعتى انا
ههههههه
احسن برضه
بحبك يا مجرمة والله
صوت فيروز
ربنا يبارك فيكى
ولسه والله لما تحسيه ان شاء الله
نورتنى
maioya
هههههههههه
بتوصينى اه والله انا وهو مبهدلين بعض
وحشانى يا مى والله
عقبالك كده يبنتى يا رب
الف مبروووووووووووووووووووووووك
بصي انا اول مرة اجي مدونتك
كان علي بوست بتحكي فيه علي احساسك بعبد الرحمن وهو في بطنك وجيرانك الاطفال اللى بيخبطوا عليكي عشان يلعبوا معاه
ياااااه علي الشعور الجميل اللى كان جوايا
ودلوقتي برده
اقسم بالله عنيا دمعت من الاحساس الجميل
بجد كلامك من كتر ماهو من قلبك حساه نط علي قلبي وفرحانالك جدا
يارب يفرحك بيه يااااااارب ويكون حد صالح ونافع للدين والمجتمع ياااارب
ويخلي ليكي جوزك ويكرمكو ببعض ان شاء الله
مبروك ياحبيبتي وكل سنة وانتي طيبة
أم حلبسة حبيبتي :) بلوجر مكنلوش حس من غيرك وحشاااااني بجد الحمد لله على سلامتك انتي وبودي
بوست جميل أوي بجد ومشاعرك باينة فيه
كل سنة وانتي وبودي وباباه طيبين وبخير وصحة وسعادة
مبرووووووووك يا مروة بورك في الموهوب وبلغ اشدة ورزقتم بره
أنا اعرف ناس كدا لما يدخلوا اوضة العمليات او العناية المركزة يلقبوها ضحك :)
سلامي لعبد الرحمن الواد الدماغ دا
الصورة بتاعت البوست حلوة اووووى
كل شوية باجى اضحك وامشى
:D
ميرو :)
مش هتتخيلي البوست ده فرحني قد ايه :)
مرسومه دلوقتي علي وشي ابتسامه بلهاء :))
الحمد لله علي سلامتك ..
وربنا يخليهولك يارب :)
وتشوفيه احسن واحد في الدنيا دي :)
جوايا حاجات كتير اوي بس مش عارفه اقولها ، مبسوطه ليكي اوي :)
ربنا يسعدك يا ميرو :)
مبروك على البيبى يا قمر وعقبالى بقى نفسى انا كمان ابقى ماما:)
مدونتك رائعة .. اعدك بالزيارة الدائمة انشاء الله .. كل التوفيق
Post a Comment