وبعديــــــــن بقى ....

ازيكم يا حلوين عاملين ايه ؟ يا رب تكونوا بخير وتمام
ورمضان حلو عليكم فى الجو الصعب ده
وحشتونى والله اوووووى ونفسى ادخل كل شوية اكتب بوست

بس مين يسيبنى اعمل كده
عبد الرحمن انا وهو بنكانف فى بعض بطريقة مش ممكن
وبجد الموضوع كبير جداااااااااااااااا


اول حاجة
ده الباش مهندس عبد الرحمن
وهو بيضحك الضحكة بتاعته وهو نايم
بحبه اوى وهو عامل كده

انا فولت هولد واستريح بقى اتارى الفيلم بيبتدى الى كان فى الاول
ده مجرد تتر الفيلم
ههههههههه فيلم ايه بقى ده مسلسل من بتوع الى mbc4
التركى ابو 250 حلقة دول

ابنى ده دماااااااغ جدا والله
اولا مفيش نوم انا بيجى عليا باليومين مش بنام
ولما بينام انا بنام معاه عشان يدوبك اصحى معاه
غير باباه الغلبان يعينى اتحط مش ع الرف لا ده اتحط فى الفرن
ههههههههههه
بس الحمد لله الدنيا ملومة مع باباه عشان رمضان هو اغلبه بيبقى بيفطر بره وشغل وكده

وانا جيت بيبتى وقلت اتحمل المسئولية بدل ما اتعك فيها لوحدى بعدين
وبجد الموضوع صعب جدا

اكتر حاجة بجد صعبة انى مش فاهماه هو عاوز ايه بالظبط
يعنى بيكون واكل وكل حاجة وبيعيط طب يبنى ليه كده ؟
مفهمش بقى
ههههههههههه
ويفضل هو يعيط وانا اسكت وف الاخر اتعصب بقى
يجى جوزى وبكل بساطة يشيله ويدندن للباشا يروح يسكت علطول

يعنى انا ايه؟
مش عارفة انا اسمه ايه ده
اتعب انا كل ده وف الاخر الواد يطلع بلا انتماء كده
طب يعمل حساب ال9 شهور الى طلعت عين مش اهلى بس عين اهل الناس كلها فيه

ههههههههههه
اهتمامتى دلوقتى بين اغير البامبرز وادى كرواية واعمل رضعة
هههههههه حاجة مسخرة جدا والله انا كل مرة اقعد اقول ايه ده يا ولاد؟
بس ضحكة منه بجد تساوى الدنيا كلها

عبد الرحمن ده حبيبى بجد اوى
كفاية لما يكون فى حضنى كده وهو برىء وعمال يبصلى كده وبيتامل
ولا يا خلاصى لما يضحك بقى
وخصوصا وهو نايم تلاقيه شغال ضحك
حتى لما بتعيط يا بودا بتبقى سكر والله
واد انت...
انت احلى حاجة حصلت برغم اى حاجة بتعملها

مواقف كتير بقى بيعملها تضحك
اقربها الفضايح الى بيعملها كل ما بيخرج ولله الحمد يعنى مبيتوصاش

اخر مرة كنا خارجين رايحين للدمتور بتاعه وكانت اول مرة
والله العيادة كلها اتفرجت علينا
ومن عياطه ومش راضى يبطل عياط
وقفت بيه هزيته دلعته والناس كلها متعاطفة معايا بقى
ههههههههههه
ونظرات الشفقة بقى مش قادرة اقولكم
بس دخلنا عند الدكتور يسكتله ابدا الدكتور بقى عمال يهدى فيه
ولما جه يكشف عليه ولا كانه بيضربه
لاءا بجد فضايحى جدا

كفاية لوو جاع شوية ...يا نهار ابيض تبقى ليلة سودا
ههههههههه
يا جماعة انا مبقتش عارفة حتى اعمل حاجة فى البيت ولا قادرة اغسل كوباية حتى
غير كده الدنيا كلها واقفة بقى بجد
لحد امبارح مثلا بقيت بعمل الحجات دى وهو نايم

غير انه كان تعبان يا حبيبى يومين ورا بعض
وانا مش فاهماله بجد وكان بيعيط وانا اعيط معاه
وكان واخد الدوا وبيعيط برضه بقيت اقول لماما انا مش عارفة اعمل ايه
وماما تقولى عادى وانا اعيط
فعلا ابنك ده حاجة غالية اووووووى

بس بجد انا خلاااااااااااص بجيب اخرى مع الاستاذ ده
وكفاية انى بتعامل لاول مرة مع حد كده
حد معتمد عليك اعتماد كاااامل
من اول حاجة لاخر حاجة
غير باباه يعينى الى شكله هيضيع فى النص كده
ههههههههه

انا بقى حاسة انى ضيعت فى كل ده
والدنيا زحمة ومدربكة جدا ومش عارفة اعمل اى حاجة
حتى اصحابى مش بكلمهم خالص
وانا مختفية فى الدوشة دى كلها
ادعولى يا ولاد الموضوع صعب اوووووى


بس انت احلى حاجةحصلت سيبك انت
كفاية حضن منك بس
او بوسة اديهالك
او مسكة ايدى فى ايدك الصغنونة السكر دى
انت حبيب قلب ماما
ربنا يخليك ليا انت وبابا