من غير كلام
بحبك
يا منور دنيتى وقلبى
من غير كلام
فرحانة بيك
يا ضى عنيا واغلى حبايبى
مش قادرة اقولكم يا جماعة ع فرحتى بالواد الصغنن ده
عامل جو معايا ابن لذين يعنى عاملين دويتو مشكلة دلوقتى ما شاء الله كبر شوية وبقى يتلاغى كده ولو كلمته يبصلك ويضحك
هو الى انا متأكدة منه انه مسخرة بجد
المشكلة فى النبى حارسه وصاينه انه عصبى جدا جدا جدا
يا نهار ابيض ع العصبية كأنه شاف من الدنيا الى ميتشافش يعنى واى حاجة متعجبوش يفتح صريخ ...افضل انا يبنى يا حبيبى
مفيش
يا بابا يا سكر
مفيش
اخرها بنمسك انا وهو فى بعض يأما بصحى جوزى واقوله خده انا مش قادرة
طبعا الرجل الطيب ده كفاية مستحملنى هيلاقى كمان شخصية تانى ترخم عليه كفاية عليه أنا
يلا بقى هو نصيبه كده
اول حاجة انا شفت ايام فل ولا الثانوية العامة وسهرها
او الكلية لما الواحد يبقى صابح عليه الامتحان وهو عمال مطبق انه يزاكر
عبد الرحمن نومه سكر اوى والله بقيت زى المدمنين من قلة النوم
وطبعا لو نام هى شوية وتلاقيه صاحى
الذ حاجة بقى يبقى نايم وخلاص اروح اوديه فى سريره
يبقى ساكت برضه ...عداه العيب
اسيبه بقى وانا النوم يجيلى هم 3 دقايق والله
تلاقى صوت رفيع كده طالع يعمل اممم اممم
ده فى الاول لو مستجبتش للنداء الى بأدبه ده واستعبطت وعملت ناصحة شوية
تلاقى بقى الصوت على وفتح ع البحرى
ونفضل كده لحد ما ينام سعادته ومحروق اى حاجة تانى
رجعت بيتى وقولت اشيل المسئولية وادينى تلاتة
هأأأأأأأأأأأأأو من العيار التقيل
بحمد ربنا ان جوزى شغله بيخليه يفطر بره
لولا كده والله ما كان هياكل غير بيض وجبنه وكبيرى يبقى فول او حاجة كده
فكر يا حرام يفطر معانا وانا قررت بقى ادخل المطبخ برضه
واعمل اكله بقالى كتير ما طبختش من ساعة ما ولدت
والله هو يدوب المكرونة دخلت الفرن والعياط اشتغل
وقلة الادب فضلت اسكت واحايل وكان المفروض اعمل سلطة واحمر البفتيك انسوا يا جماعة
والله هو الطبق المكرونة الى اتحط وخلاص
ايه بقى طريقة التعامل مفهمش؟؟
ليلى نهار ونهارى ليل
ولا عمرو دياب
ال عيال ال
تعالوا شوفوا وانا فين من ده كله مش عارفة
حاسة كده انى ضايعة فى وسط الدايرة دى
البيت وجوزى وعبد الرحمن
ولو فى حاجة كانت بتتعمل ليا مبقاش فى وقت ليها باى شكل
خروج بقينا بالضالين ببنزل والله وصباح الفضايح
انا من الاخر تعبت بجد
اريد حلا بقى
بس هنعمل ايه ضريبة الخلفة يا لطفى بقى
بس كل ده بيهون
بس لا يمنع من انى هقتبس من عبد الحليم انى اغرق ....اغرق
واعانى ...اعانى
دعواتكم بقى
11 comments:
ياخلاثى على العسل- ربنا يخليهولك - خليه يتدلع يومين
الصورة حلوة قوى على فكرة
عندي الأنسة ديالا بتعمل نفس الحركات دي بس الفرق إن عندها 10 ايام بس
بالمناسبة ديالا تبقى بنت أخويا مش بنتي
بس انا عندها كل يوم
هههههههه
عثل وثكر
ربنا يخليهولك يااااااااارب
دمتى بكل خير
ربنا يخليهولك يارب
هذه هى الضريبه
ربنا يخليهولك يا ميرو ويباركلك فيه
انتي وحشــــــــــــــــــــــــاني كتييييييييييييير كتييييييييييييير
بوسيلي بودي بووووووووووسة كبيرة
رمضان كريم :)
ما هو طول مانتى بتسمعى كلامه اول ما يعيط .. مش هايبطل :D
المشكلة ان فعلا ماحدش هايقدر يسيب الطفل يعيط كدة لمجرد انه يعلمه ازاى ينام وازاى مايتعودش عالعياط الكتير
بجد ربنا معاكى :D
وربنا يحميه ويباركلك فيه يا رب :):)
مرمر انتى وحشتينى اووووووى
كل سنة وانتى طيبة يا حبيبتى وبخير دايما يارب والسنة الجاية تلاقى بيدوا بقه ف الابتدائية ع طول كده هههههههههههه ايون احنا ناس واصلة هههههههه وحشتينى ووحشنى بيدوا بوسيهولى حبيبتى كتير وخليه يبوس مامته
شكرا جزيلا علي مدونتك الرائعه
قلمك رائع .. شكرا لك ..واعدك بالزيارة
Post a Comment