Tuesday, October 26, 2010
>>>>>>.
انفصل عن العالم الخارجى تدريجيا فأصير شخصا اخر
له نفس الملامح ونفس الروح ولكنه لا يعلم شيئا عن خارج اطاره الجديد
فابتسم فى صمت واقول مسئولية جديدة
وبالاخص بعد سفر والدتى
اتحمل الابعاء وحدى فى صمت دون تذمر فقط اهذى مع نفسى كل يوم
بما لا يعجبنى وارجع لهدوئى المزعوم حتى لا يعود زوجى فيجدنى عابسة الوجه
فاجدنى ابتسم واقول مسئولية جديدة
أصحو فى منتصف الليل لاطمئن ع فلذة كبدى
واراه ان كان قد كشف عنه غطائه _كما كنت افعل وما ازال افعل _فاجده يكشف غطائه
بقدميه الصغيرتين وما يزال يحركهم
المسه فيصحو من غفوته ويبتسم لى
فاعلم انها-سهرة صباحى-فاحمله والنوم يداعب اجفانى
فابتسم واقول مسئولية جديدة
استيقظ فى اوقات لا يعلمها الا الله وحده
واغفو فى اوقات اغرب فلم اعد اشعر بزوجى حين يصحو ليذهب لعمله
الا وهو يودعنا صباحا فاشعر بالضيق
فيبتسم هو لى ويقول لى مسئولية جديدة
لا اقوى ع الخروج وحدى كما كنت افعل
فاجدنى قبل ان اخرج اقوم بتحضير اللبن والاعشاب واضعهم ل عبد الرحمن
وبعد ان ننزل بعد قرون من الزمن وبعد ان نتأخر ع اى موعد
ننزل من المنزل فاجدنى قد نسيت تليفونى
ومفاتيحى واشياء اخرى كثيرة
فابتسم واقول مسئولية جديدة
السؤال هنا بقى ؟؟؟
لحد امتى يا جماعة هفضل ابتسم هههههههههه
انا تعبت بجد والله بقيت حاسة نفسى كائن اخر
وعبد الرحمن علطول عياط مبقتش عارفة اعمل اى حاجة دلوقتى داخلة زى العيال بتوع ثانوى الى بيدخلوا من ورا اهلهم لما يكلموا صاحبهم
ههههههههههههههه
بجد والله اى فرصة بينام فيها بيبقى مليون حاجة عاوزة تتعمل
وخصوصا بعد ما ست الحبايب خلعت وسافرت وبقيت ما بين اخواتى وعبد الرحمن وباباه
تعبت بجد
ده مش اسم بلوج دى حياة
طول النهار ياما بعمل رضعة لعبد الرحمن يا ميعاد دوا
يا بيعيط عنده امساك او عياط رخامة مش ببقى فاهمة عاوز ايه
وافضل اقوله يا حبيبى عنيا قولى بس وامر
مساحتى لنفسى بتتسحب حبة حبتين تلاتة
ومبقتش عارفة اعمل اى حاجة لمروة خااااااالص
وبحس بالذنب والله لاحسن اقصر مع جوزى فاى وقت تانى بيبقى ليه
انا حاسة انى لوحدى جداااااااااااا
وكل حاجة عليا
حتى اصحابى مش لاقية وقت اتكلم مع اى حد ومش يوم ما هتكلم هقعد اشتكى كمان
الدايرة بتوسع اوى عليا وده مضايقنى جدا جدا
نفسى اعمل زى الصورة كده
وارزجع من غير اى مسئولية لا بيت ولا عبد الرحمن
ارجع عند ماما تااااااانى
عااااااااااااااا
بس مش هرتاح برضه لجوزى وبيتى الى بحبه وابنى حبيبى
وارجع واقول
متفكروش يا بنات ان الجواز راحة اه والله دى حكم ياخوانا
Subscribe to:
Post Comments (Atom)
10 comments:
السلام عليكم ورحمة الله وبركاته
مرورى الاول فى بيتك الجميل جدا ومدونتك الرائعه الى حسه كل كلمه منها ليها روح وبتتنطط وانا بقرا بوستاتك بتخيل كل مشهد بيحصل لك قدامى بجد عرفتى تعبرى باسلوب سلس جميل
اتمنى ربنا يوفقك فى حياتك ويخليلك فلذة كبدك وتشوفيه احسن الناس يارب
بجد وهبتنى جو تانى ومود تانى حسيت احاسيس غريبه اوى معاكى هنا فى مدونتك
ربنا يعينك على الى انتى فيه
دومتى احسن ام عطاءه
تحياتى.......
اول مرة اعلق علي كلامك
ارجو تقبل الزيارة
بس حبيت اديكي امل ان الدايرة هتفضل توسع لان المسؤليات بتزيد مش بتقل و كل ما مرحلة تعدي نخش علي مرحلة جديدة بمشاكل جديدة
معلش رخمة انا في اول تعليق بس حبيت اقولك علي الحقيقة المرة مافيش فايدة و فعلا لازم نسرق شويه وقت لنفسنا
واحدة مطحونة زيك
ومهما نتعب نقول تعب الحبيب راحة يا مرمر
ربنا يقدرك ويعينك ع المسؤلية الجديدة
ياستى ولا تعب ولا حاجة
يمكن يكون تعب وصعب بس تعب جميل
ربنا يخليلك اولادك ويكبروا وتفرحى بيهم يارب
بس انتى خلى جوزك يساعدك شوية ونص عليكى ونص عليه
الحياه برضو مشاركة
دى وجهت نظر مش عن تجربة بكرة بعد التجربة يمكن المنظور يتغير
دمتى بخير
اول زياره
بتتكلمى على اللى انا حاسس بيه
يارب يفرج كروبنا جميعا
عنوان المدونه رائع
فعلا
انا والله
تعبت بجد
استأذنكاضيفك
معلش يا ماما ميرو :)
كلها كام يوم وعبده يكبر وتبصي لورا وتضحكي :)
ربنا يخليهولك ويسعد أيامك يارب :)
ايوه هي انا ..
بس انا غيرت لينك البلوج ..
عاجبني الاسم الجديد اوي :)
فترة مؤقته وحتعدي وتخشي في فترة تانية وهكذا وبكرة تفتكري الايام دي وتضحكي وتقولي كانت اسهل فترة
كل سنة وانتي طيبة يا جميلة
وكل عيد وانتي واسرتك بخير
:)
تخيللي انا كمان تعبت بجد
و كتبت مرة تعب الحال اوي
جيت أقول الشعر .. قلت ذي ما قلتش
قلت أكتب نثر .. كتبت .. و يا ريتني ما كتبتش
رحت أهرتل أي كلام.. لقيتني .. ما نطقتش
قالوا الصمت أبلغ.. نكاية .. ما سكتش
حبيت أضحك.. قهقهت .. بس ما فرحتش
بكيت بدموع .. لكن بالعند ..ما حزنتش
نويت أسافر.. هاجرت .. و لسة ما رجعتش
اتمنيت أستقر.. رحلت.. ما همدتش
حنيت أعاود .. عدت.. ما إطأتش
قابلتهم بالهدايا.. اتقبلِت بس أنا.. ما اتقبلتش
سعيت أشتغل .. تعبت .. لكن ما فلحتش
عملت شغلي من غير نفس.. ما أتقنتش
عبيت من المال .. عبيت لما عييت .. ما شبعتش
صرفت و ضيعت كله.. لكن لسة أنا ما ضعتش
غدر بيا الصديق.. كذبت نفسي .. ما صدقتش
أهاني اخويا .. صالحته هديته وهاديته... ما عتبتش
كلمني أخويا ..عديتها لا استسمحني و لا سامحتش
سلم عليا اخويا .. سلمت صافحت .. لكن ما صفحتش
حسدني جاري.. وقعت.. ما قمتش
حاربني زميلي.. اتهمني .. ما دافعتش
باركلي زميلي.. شكرته .. و ما خزنتش
جت الانتخابات.. شفت اليفط .. ما رشحتش
فاز رئيس الحزب.. كسب الرئيس و ما خسرتش
الرئيس غلٌى الأسعار حزنت .. لكن ما جعتش
الرئيس ضاعف الأسعار حزنت أوي .. ما ثورتش
الرئيس ولع الأسعار شتمت .. ما شفتش
و نمت .. نمت ما قمتش .. و للأسف ما متتش!
غنت الست و صقفت .. لكن تخيل.. ما اتسلطنتش
رقصت روبي .. غريبة شفتها بس ما رجعتش!
صليت فرضي، فرض.. فرض.. لكن ما خشعتش!
و الصوم منعني عن الأكل .. لكن عن الظلم .. صمت أنا.. لا ما صمتش.
و زكيت و أعطيت لكن من الرياء .. سلمت و لا ما سلمتش؟
حتى الحج ، زرت .. بكيت ذي ما رحت ذي ما جيت
تبت أنا و لا ما تبتش؟
و شهدتله - سبحانه- بالواحدانية .. أه لو ما أشركتش!
شغلت نفسي بغيري.. ِتعبت، لا فدت و لا استفدتش!
تعب الحال و نصحوني بالمحال.. لا تحزن.. حاضر ُعلم و ينفذ .. بس أنا ما نفستش!
عموما ربنا يجيب تعبنا بفايدة
موديل
واحدة تعبانة منن مشكلة السمنة و مشاكل اخرى غفررت ان اكتب مدونة
عايزة اخس
موديل
Post a Comment