بقالى كتير مجتش هنا دى فى حد ذاتها غريبة
والاغرب عندى انى مش فاهمة ازاى قفلت البلوج بتاعى الى بقالى كتيـــــــــر اوى مفكرتش اعملها يمكن كنت بسيبه وارجعله تانى انما اقفله وامشى كده ...حاسة كأنى سيبت حاجة منى ومشيت ..تفكيرى فيا الايام دى بقى غريب اوى ..مساحات التفكير عندى ليا بتصغر وبتقفل عليا اكتر واكتر
معقولة ..تعبوا اوى كده
كل يوم بقضيه مع عبد الرحمن ...بودى افندى...بحس اد ايه اهالينا دول بجد مش تعبوا لا دول ماتوا من التعب فينا ...كنت فاكرة موضوع التربية ده اسهل من كده
ع الاقل كان ليا اسهل من فترة الحمل ...كنت فاكرة انها مرحلة ملامحها باينة اكتر من فترة انك تستنى حاجة وسبحان الله تفضل فى مرحلة انتظار لمدة 9 شهور ورابط بينك وبين الى جواك بيكبر
بودى خلاص بقى عنده سنة وكام يوم :)
بقى راجل اد الدنيا وانا الايام دى فى حالة سعادة غريبة
حاجة منى بتكبر كل يوم احساس مالوش وصف بجد...كمان بودى بيمشى اول خطواته بقى مش قادرة اقولكم ع جو المساطيل الى احنا فيه
هو عاوز اول ما يقف يرقص ههههههههه اه والله يفضل يرقص ويهز نفسه
ومش عاوز يمشى برحة لا عاوز يجرى كمان
بنفضل فى جو انا جدع كتير كام خطوة كده وتلاقيه هوووووووووب ع الارض
او ييجى ويترمى فى حضنى _بعشق اللحظة دى_ بجد بكل معانيها
كل ما بفكر ان امى تعبت فيا كل التعب ده خصوصا وانا كنت اشقى واحدة فى اخواتى
ولسه لحد دلوقتى بتعبها وبرمى حمولى عليها وادلع ع حسها
بقول بجد اد ايه الام دى حاجة عمرنا ما نحس بالى بتعمله الا لما نعيشه....
وحشتونى اوى ...ووحشتنى نفسى معاكم لدرجة انا مش متصوراها
بحبكم
0 comments:
Post a Comment