نفس طويل وتنهيدة اطول ببدأها وانا بكتب البوست ده
مش عارفة ليه لما بتضيق بيا اوى باجى هنا ...مع انى حاسة انى مبقتش البنى ادمة دى اوى يعنى
محتاجة ...مع انى بكره الكلمة دى اوى اوى
ومبحبش اقولها حتى بيبنى وبين نفسى
"احيانا نحتاج ان يربت شىء ع اكتافنا حتى وان كانت قطرة مطر"
.
.
من ساعة ما قريت الكلمة دى وانا متنحة اوووووى
الدنيا دى غريبة بصراحة كل ما تقول حاجة وتحصل وتبقى راضى بتتشقلب تانى
وكأننا هنفضل طول عمرنا نلعب puzzle
تعبت اوى من بودى الفترة دى مرهقة جدا ...او يمكن هنجت وعاوزة اغير جو الموضوع بيكبر اوى
وحاسة انى بختفى كل يوم عن اليوم الى قبله
زى الجواز كده اهو اخر الشهر ده هتم سنتين ان شاء الله
خايفة ...قلقانة ...متنحة اوى
لان فى السنتين دول بصراحة يمكن معملتش 10 حجات ع بعض لنفسى
طب ادام هعمل ايه بقى
حاسة انى لوحدى برغم اى حاجة حواليا ..او حابة ابقى لوحدى مش عارفة ايوه فعلا صح ومش عارفة
زمان كنت بحب احساس انى اخطف نفسى واختفى كده بعيد عن اى حاجة وارجع تانى وقت ما احب
بس كنت برجع مرتبة الدنيا دلوقتى نو ولاءا واى حاجة بلغة تانية يعنى مش هينفع
فى مية مليون حاجة ماسكة فيا وع اد ما انا حباها حاساها خنقانى اوى
محتاجة اقعد اسمع منير واقرا رواية مع كوباية نسكافيه بلاك
وانتخ واندمج فى الرواية واعيط فيها واعيشها
محتاجة انى اقعد مع نفسى اعرف انا رايحة ع فين
محتاجة مدخلش المطبخ وتبقى علاقتى بيه علاقة انه مش موجود اصلا وافكر بكره هعمل اكل ايه
محتاجة اخد بريك من بودى وشقاوته حبة ساعة او اتنين كبيرى مش هستحمل اكتر من كده
محتاجة احسس مروة انى بحبها اوى وانها فى بالى
بس انا عارفة ان كل ده مش هيحصل
عشان انا كده انا محبطة اوووووى ...الدايرة بتوسع كمان وكمان
10 comments:
عايزه اعلق على حاجات كتير اوي
بصي يا قمر اذا كنا هنتكلم على الوحده فهي على ما اعتقد موجوده عند ناس كتير اوي وكمان بيبقى حواليهم ناس كتير وبردك حاسين بالوحده
اما البريك اللي انت عايزه تاخديه من بودي اوعي تفكري كده تاني ده المفروض اني شقاوته ديه تنسيكي اي هم اوخنقه انت فيها عارفه انا متفقه معاكي في كل اللي انت قولتيه الا البريك ده
عارفه كمان انا ذيك كده حاسه اني لوحدي ومخنوقه جدا بس لما بشوف شقاوة ابني وضحكته بتنسيني هموم الدنيا كلها
ربنا يفرج همك ويخليلك ابنك وتشوفيه عريس ويروح مع عروسته وتبقي هتجنني كده علشان يعقد معاكي شويه
هههههههههههههههه وتبقي حمى
اهتم الإسلام بالصحة النفسية للفرد ... فهو علاج حقيقي لأزمات النفس ...
يعين الفرد على تحقق الصحة النفسية....
قال تعالى : ) أَلَا بِذِكْرِ اللَّهِ تَطْمَئِنُّ الْقُلُوبُ
يقول ابن القيم الجوزية:
القرآن هو الشفاء التام من جميع الأدواء القلبية والبدنية وأدواء الدنيا والآخرة...
وكيف تقاوم الأدواء كلام رب الأرض والسماء...
فما من مرضٍ من أمراض القلوب والأبدان إلا وفي القرآن سبيل للدلالة على دوائه وسببه والحمية منه....
ولقد أثبتت بعض الدراسات أنّ الأشخاص الذين يلتزمون بأداء العبادات من (صوم وصلاة.. الخ)، يكونوا أقل إصابة بالأمراض والالام النفسية
عذرا على الاطاله
وتقبلي مروري لاول مره
ولكنه لن يكووون الاخييير
تحياااتي
وحشتيني
حبيبتي ..كل حد في الدنيا بيحتاج شوية وقت لنفسه يقضيهم مع نفسه ..اوقات كتير المسئوليات بتحرمنا من الوقت ده ..بس معلش والله ممكن يوم واحد بس تغيير يفرق معاكي
حاولي انتي وبودي وباباه تغيروا ..اي نوع من التغيير اكيد هيفرق
ربنا معاكي ويريح بالك
بسكوتك اللي انتي وحشتيها
محتاجه تعملى ريستارت لحياتك
تخرجى برا الروتين ... و ترجعى من الاول تانى تشوفى انتى مين و عاوزة تروحى على فين ...
احتفلى بعيد جواركزا السنادى بشكل مختلف :)
الانسان مش آله وطبيعى نمل مهما كنا محققين حجات كانت فى يوم من الاحلام ... لازم نطلع لفووووووووق او نبعد شوية عشان نشوف حياتنا بقت ازاى ووقتها هنقدر نغير ونكون أهدا .... الروتين واحساسنا بإننا مسئولين ومنقدرش نبقى زى زمان هو ده اللى بيخلينا نمل ونزهق .. حاولى تخرجى وعدى يوم من غير مطبخ الدنيا مش هتتهد عاااادى المهم ترجعى زى الاول واحسن
دعواتى بالخير
انا حاسه ان انا اللي كاتبه البوست ده .. لأني ببدالك نفس احساس اني نفسي اخطف نفسي زي زمان ...بس مع وجود طفله و مطبخ و زوج وواجبات ... ما بينفعش .. و حاسه ان اضغط جامد .. و المنفذ اللي بلاقيه لما بكتب
ثقافة الهزيمة .. عصابة البقرة الضاحكة 2
و عن لسان الوزراء فى مارينا مصيف الصفوة السياسية يقول أحد أفراد الأمن بالمنطقة أول فيلا هنا أتبنت كانت لإبراهيم سليمان وزير الأسكان السابق بعدها حدد الناس اللى تسكن المكان، خصوصا أنه أهدى علاء وجمال أبناء الرئيس السابق قصرين على بعد خطوات من فيلته، ثمن الواحد منهم يعدى الـ 40 مليون جنية ( حوالى 7 مليون دولار ) ومسجلين بأسماء هايدى وخديجة زوجاتهم.
و أستطرد: فى لسان الوزراء يسكن إيضا أحمد شفيق رئيس الوزراء السابق وهو عضو فى أتحاد الشاغلين بمارينا، والوحيد من الوزراء السابقين الذى جاء بعد الثورة إلى مارينا، و له فيلا يقدر ثمنها الآن من 15 إلى 20 مليون جنية ( حوالى 3 مليون دولار ) ونفس السعر لفيلا نائب رئيس الجمهورية السابق عمر سليمان ... باقى المقال ضمن مجموعة مقالات ثقافة الهزيمة ( بقلم غريب المنسى ) بالرابط التالى www.ouregypt.us
مصر كلها تتساءل لماذا لم يتم للأن التحقيق مع أحمد شفيق و عمر سليمان بشأن ممتلكاتهم؟!!!
انا اولا جيت هنا صدفة كتبت تعبت فى جوجل وعملتو ضربه حظ طلعلى البوست ده انا عمتن اول مره ادخل بلوج واتكلم فيه بس الى هيخلنى اتكلم حاجه واحده انى بجد مخنوووووووووووووووووووووق
مش للنشر .. وحشتينى اوى يا ميرو بجد انتى وبودى
بس انا الفترة دى مش معايا رصيد خالص فى اتصالات لانى مابشتغلش والحالة مأشفرة ع الاخر علشان بنجهز لجواز اخويا عقبال بودىحبيبى المجرم ده لو معاكى خط فودافون سيبهولى فى كومينت لان هو اللى بقدر اتصرف احول من ماما رصيد فا لخباثة واتكلم منه :)
انتى وحشتينى اوى وفى بالى بقالك كام يوم يارب تكونى بخير يارب
انا عندى اشراف على الكويمنتات
ماتقلقيش يعنى لو سيبتى رقم تليفونك اوك
بحبك انا اوى اوى
ميرو يا ميرو كل سنة وانتى طيوبة وحلوة وزى القمر يا حبيبتى يارب
وعقبال يارب مليون سنة تعيشيها هنا وفرح ان شاء الله
بوسيلى الواد بودى
وخديلك بوسة وحضن منه منونتك بتحبك اوى
Post a Comment